Gertu

ez dago,

 urrutira begiratu beharrik..

ilunaren erdian,

argia topatzeko...

berotasuna 

gertukoak ematen du!

EGUZKIA ATERA BEZAIN PRONTO

eguzki printzak atera bezain pronto

utikan,

utikan maindire eta nagiak..

ohiko bideak

zein jendetzak

bazter batera utziaz...

bazter eder askoak 

ezagutzeko

beraietan

zorabiatzeko...

 eta hau dena, Aralarren.... Guardetxetik Hirumugarrieta bidean...

NEGUAREN ZAI

Ez nau izutzen negu hurbilak

Uda beteko beroan

Dakidalako irauten duela

Orainak ere geroan

Izadiaren joan geldian

Gizalditako lerroan

Guzia presente bihurtu arte

Nor izanaren erroan.

Ez nau beldurtzen egunsentian

Arnas zuridun izotzak
Non dirudien bizirik gabe
Natura zabal hilotzak
Eguzki eder joan guztien
Argia baitu bihotzak
Eta zentzuen mila erregai
Iraganaren oroitzak.

Ez nau larritzen azken orduan
Arnasa galdu beharrak
Bide xumea hesituaren
Amildegiaren larrak...
Ardo berriak onduko ditu
Mahastietan aihen zaharrak
Gure oraina arrazoiturik
Beste batzuren biarrak.

Xabier Lete

Ah.... 

Aratz-en gabiltza...